話說我個導遊朋友（Sam）參加深圳-北京旅行團啦.有個北京美眉做導遊，阿Sam心諗今次無死啦，美眉導遊仲會講粵語，阿Sam覺得好親切,美眉導遊開始自我介紹：「咁多位道友你地好，我叫狐狸精」（其實她講，咁多位團友你地好，我叫胡麗貞...-_-）女團友一聽到就牛咁眼望住自己老公/男友...第二日導遊話：「好喇咁多位道友，今日我要帶你地去試下北京馳名既路邊狗屎，跟住帶你地上天堂」(其實她講，好喇咁多位團友，今日我要帶你地去試下北京馳名既爐邊餃子，跟住帶你地上天壇...+_+）團中有個阿婆一聽到直情激動到連鞋都飛出來，阿婆好激動話：「我而家俾錢黎旅行呀！食咩狗屎？上咩天堂呀？」在食店入面，北京導遊同頭先個阿婆笑笑口講:「阿婆，你痴完未呀？（其實她講，你吃完未呀？）」阿婆心諗（你又發咩顛呀？）好唔耐煩答:「未呀」導遊:「你快Ｄ死,你死完我地上天堂！你仲唔痴快Ｄ.」(其實她講，你快點食.你食完我地上天壇！你仲唔吃快點.）之後個阿婆無再理過個導遊第三日導遊話：「各位道友，今日我要帶你地去買Ｄ有特色既手信，望下你地右手邊Ｄ死八婆」（其實她講，各位團友，今日我要帶你地去買些有特色既手信，望下你們右手邊的水蜜桃）部份飲緊水既團友聽到即刻噴水滿頭問號...「咩死八婆話？？」
跟住就一致決定投訴，話個導遊既服務態度好有問題.